सुदूरपश्चिम महोत्सवको सातौँ दिन शनिवार चर्चित गायक भुवन प्रकाश बडूको प्रस्तुतिमा दर्शकहरू झुमेका छन् ।
देउडा गायक, म्युजिक एरेन्जर भुवनप्रकाश बडूले महोत्सवमा उपस्थित दर्शकहरूलाई मनोरञ्जन दिलाएका हुन् । बडूले महोत्सवमा ५ गीत मार्फत प्रस्तुति दिँदा दर्शकहरूले नाचेर रमाउँदा माहौल छै छुट्टै बनेको थियो ।
महोत्सवबाट पाएको मायाले आफूलाई झन् उत्प्रेरणा जागेको गायक बडूले बताए । महोत्सवमा गायक बडूले सुन लछिमा,न्याउले,फुल कोपिला,नुक नुक हेर्नू छइलि हो,ओइ माया बोलका गीतबाट गायक बडूले प्रस्तुति दिएका थिए । जसमध्ये गायकबडुले चार गीत बाट उत्कृष्टको अवार्ड समेत पाइसकेका छन् ।
गायक तथा सङ्गीतकार भुवन प्रकाश बडू विगत ३ दशक भन्दा अघिदेखि नेपाली गीत सङ्गीतको क्षेत्रमा अनवरत सक्रिय छन् ।
महोत्सवमा शनिवार गायक भुवनप्रकाश बडूसँगै नायक तथा मोडेल पल साह, गायिका अनु चौधरी तथा वाल गायक सुप्रिम मल्ल ठकुरीको प्रस्तुति रहेको थियो ।
कैलाली उद्योग वाणिज्य सङ्घ कैलालीको आयोजनामा आयोजित सुदूरपश्चिम महोत्सव मङ्सिर २२ गतेदेखि जारी रहेको छ ।
