धनगढी – बैतडीमा जीप दुर्घटना हुँदा ३ जनाको मृत्यु भएको छ भने १० जना घाइते भएका छन् ।
से १ ज ७३९ नम्बरको जीप आइतबार बिहान बैतडीको सिगास गाउँपालिका–३ लगनमा दुर्घटना भएको हो ।
जिल्ला प्रहरी कार्यालयका प्रमुख प्रहरी नायब उपरीक्षक रमेश पालले दुर्घटनामा परेर सिगास गाउँपालिका–३ का ४५ वर्षीय मान सिंह सावद, ६४ वर्षीय राम सिंह धामी र जय सिह धामीको मृत्यु भएको जानकारी दिए ।
यस्तै दुर्घटनापछि चालक खगेन्द्र सावद र सवारी धनी हरिभान सावद भने फरार रहेको उनले बताए।
दुर्घटनामा घाइते भएकाहरुमध्ये ४ जनाको अवस्था गम्भीर छ । सिगास गाउँपालिका ३ कै १८ वर्षीय योगेन्द्र धामी, १३ वर्षीय लक्ष्मण धामी, ४५ वर्षीय जयसिह धामी र ४० वर्षीय गौमती साउदको अवस्था गम्भीर रहेको छ । उनीहरुलाई उपचारका लागि प्रहरी चौकी ठाँटा र प्रहरी चौकी खोडपेबाट खटिएको प्रहरीको टोली घटनास्थल पुगेर घाइतेहरुको उद्दार गरिरहेको प्रहरी नायब उपरीक्षक पालले बताए ।
दुर्घटनाको कारण भने खुल्न सकेको छैन। जीप सडकबाट झण्डै ५० मिटर तल खसेको छ ।
