महिलामाथि जबरजस्तीकरणी गरेको आरोपमा बैतडीमा एक जना युवक पक्राउ परेका छन् । पक्राउ पर्नेमा शिवनाथ गाउँपालिका ४ का रबिन भनिने २३ वर्षीय रविन्द्रबहादुर चन्द रहेका छन् ।
महिलाका आफन्तले दिएको किटानी जाहेरीको आधारमा चन्दलाई पक्राउ गरिएको प्रहरी निरीक्षक दर्शन खड्काले जानकारी दिए ।
गत असार १३ गते गोठालोबाट घर फर्किरहेकी स्थानीय २५ वर्षीया महिलामाथि चन्दले जबरजस्तीकरणी गर्न खोजेको आरोप लागेको छ ।
पक्राउ परेका चन्दमाथि जबरजस्तीकरणी उद्योगमा मुद्दा दर्ता भएर जिल्ला अदालतबाट म्याद थप गरि अनुसन्धान भइरहेको प्रहरीले जनाएको छ ।
