डोटीमा जिप दुर्घटना हुँदा एक जनाको मृत्यु भएको छ । दुर्घटनामा परी घाइते भएका कैलालीको धनगढी उपमहानगरपालिका वडा नम्बर ५ तारानगरका ५० बर्सिया चालक हुकुम शाहको शैलेश्वरी अस्पतालमा उपचारका क्रममा मृत्यु भएको प्रहरीले जनाएको छ ।
जिपमा सवार २६ बर्सिया देवी कुमारी शाह घाइते भएकी छिन् । उनको शैलेश्वरी अस्पतालमा उपचार भइरहेको जिल्ला ट्राफिक प्रहरी कार्यालय डोटीका इन्चार्ज अशोक खड्काले जानकारी दिए ।
दिपायल सिलगढी नगरपालिका वडा नं ४ स्थित समुहगाड रेडियो नेपाल क्षेत्रीय प्रसारण नजिकै बिहान ४ बजेको समयमा दुर्घटना भएको हो ।
धनगढीबाट बाट बाजुराको लागि कुखुराको चल्ला बोकेर गइरहेको सु प्र प ०१०० च २६१५ नम्बरको जिप १०० मिटर तल खसेको थियो ।
