अत्तरिया – कैलालीको चुरेमा पुस २५ गतेदेखि राष्ट्रपति रनिङ्ग शिल्ड प्रतियोगिता सुरु हुने भएको छ । प्रतियोगिता गाउँपालिकाको वडा नम्बर ६ वयलामा रहेको मेलकट्टेशवर माविमा पुस २५ देखि २७ गते सम्म आयोजना गरिन लागेको हो ।
प्रतियोगितामा भलिबल, एथ्लेटिक्स, कबड्डी र मार्सल आर्ट कराँते खेल खेलाइने खेलकुद प्रशिक्षक दान बहादुर मलासीले जानकारी दिएका थिए ।
उनले प्रतियोगितामा कति विद्यालय सहभागी हुने भन्ने टुङ्गो नलागेको बताए । गत वर्ष आयोजना गरिएको प्रतियोगिता ९ विद्यालयको सहभागिता रहेको थियो ।