भारतको राजस्थानमा बस दुर्घटना हुँदा १२ जनाको मृत्यु भएको छ । साथै ३० जना घाइते भएका छन् । जसमध्ये केहीको अवस्था गम्भीर छ ।
मङ्गलवार बस पश्चिम भारतको राजस्थान राज्यको एउटा कल्भर्टमा ठोक्किँदा दुर्घटना भएको प्रहरीले जनाएको छ । राजस्थानको राजधानी जयपुरबाट १४७ किलोमिटर उत्तरपश्चिममा रहेको सिकर जिल्लाको लक्ष्मणगढमा दुर्घटना भएको हो ।
प्रहरीकाअनुसार यात्रुले भरिएको निजी बस सालासरबाट नवलगढ जाँदै गर्दा दुर्घटना भएको हो । दुर्घटनाको कारण पत्ता लगाउन प्रहरीले मुद्दा दर्ता गरी अनुसन्धान गर्न आदेश दिएको छ ।
