नेपाली नारीहरुको ठूलो पर्व हरितालिका तीजको दिन सुनको मूल्यले नयाँ कीर्तिमान बनाएको छ। आज सुन हालसम्मकै उच्च मूल्यमा कारोबार भएको हो। नेपाल सुनचाँदी व्यवसायी महासंघका अनुसार १ हजार ३ सय रुपैयाँ बढेर प्रतितोला १ लाख ५३ हजार ३ सय रुपैयाँ पुगेको हो।
अघिल्लो दिन १ लाख ५२ हजार रुपैयाँमा कारोबार भएको थियो। भदौ महिना लागेपछि सुनको मूल्यमा एकपछि अर्को कीर्तिमान बनिरहेको छ। ५ गते १ लाख ५३ हजार, १२ गते १ लाख ५३ हजार १ सय, १३ गते १ लाख ५३ हजार २ सय रुपैयाँमा कारोबार भएयता आज नयाँ उचाइमा पुगेको हो।
यता चाँदीको मूल्य पनि शुक्रबार बढेको छ। चाँदी आज १ हजार ७ सय ९५ रुपैयाँमा कारोबार भएको महासंघले जनाएको छ। बिहीबार चाँदी १ हजार ७ सय ६५ रुपैयाँमा कारोबार भएको थियो। अन्तर्राष्ट्रिय बजारमा सुन प्रतिऔँस २ हजार ५२० अमेरिकी डलर र चाँदी २८।७५ अमेरिकी डलर प्रतिऔँस मूल्यमा कारोबार भएको एजेन्सीहरुले उल्लेख गरेका छन्।
