धनगढी-पछिल्लो २४ घण्टामा सेती प्रादेशिक अस्पतालमा ५ सय ९ जनाको नमुना परीक्षण गर्दा थप ३ सय ३ जनामा कोरोना सङ्क्रमण पुष्टि भएको छ।
सूचना अधिकारी श्रेष्ठका अनुसार धनगढीका मात्रै १८५ जना, धनगढी बाहेक कैलालीका ८१ जना, अन्य जिल्लाका ३७ जना गरी ३०३ जनाको सङ्क्रमण पुष्टि भएको छ ।
अस्पतालमा अहिले १ सय २२ जना सङ्क्रमितको उपचार भइरहेको छ। १६ जना आइसियुमा र १०१ जना अक्सिजन सपोर्टमा उपचाररत छन् ।
२४ घण्टामा अस्पतालबाट ६ जना निको भई घर फर्किएका छन भने थप ८ जना अस्पताल भर्ना भएका छन् ।
थप ६ जना सङ्क्रमितको मृत्यु भएको छ।
धनगढी उपमहानगरपालिका वडा नम्बर २ का ५८ वर्षीय पुरुष, वडा नम्बर १ का ८० वर्षीय पुरुष, वडा नम्बर १७ की ३५ बर्सिया महिलाको मृत्यु भएको सेती प्रादेशिक अस्पतालका सूचना अधिकारी दिलीप कुमार श्रेष्ठले बताए।
उता जोशीपुर गाउँपालिका वडा नम्बर ५ की २९ बर्सिया महिला, कञ्चनपुरको कृष्णपुर नगरपालिका ७ का ३२ वर्षीय पुरुष, डोटीको दिपायल सिलगढी नगरपालिका वडा नम्बर ६ का ६१ वर्षीय पुरुषको मृत्यु भएको श्रेष्ठले जानकारी दिए ।
