दाङको लमहीमा मोटरसाइकलको ठक्करबाट १० वर्षीया बालिकाको मृत्यु भएको छ ।
मृत्यु हुनेमा लमही नगरपालिका –१ नर्तीका चन्द्रप्रसाद चौधरीकी छोरी स्वस्तिका चौधरी रहेकी छन् । आइतबार बेलुका करिब पौने आठ बजेतिर स्वस्तिका आफ्नो घरबाट छिमेकीको घरमा जाँदै गर्दा लु९५प ८९५ नम्बरको मोटरसाइकलले ठक्कर दिएको थियो ।
मोटरसाइकलको ठक्करबाट गम्भिर घाइते बालिकालाई उद्धार गरी लमही अस्पतालमा उपचारका लागि लगिएको भए पनि उनको उपचारका क्रममा मृत्यु भएको वडा प्रहरी कार्यालय लमहीका प्रमुख प्रहरी निरीक्षक प्रकाश भुसालले बताए ।
ठक्कर दिने मोटरसाइकल चालक गढवा गाउँपालिका– २ महादेवाका २९ वर्षीय अपिल शर्मा पनि घाइते छन् । प्रहरीका अनुसार उनलाई थप उपचारका लागि लुम्बिनी प्रादेशिक अस्पताल बुटवल रिफर गरिएको छ।