चर्चित मोडल अनु खड्काले अभिनय गरेको परानी रुन लाग्यो बोलको गीतको म्युजिक भिडियो सार्वजनिक भएको छ ।जय सङ्गीत म्युजिकको युट्युब च्यानलबाट शुक्रवार सार्वजनिक भएको उक्त म्युजिक भिडियोमा मोडल अनु खड्का, डम्बर धमला र राजनले अभिनय गरेका छन् ।
गीतमा टेकबहादुर बोगटी र देवी घर्तीको स्वर रहेको छ । म्युजिक भिडियोको निर्देशन भीम थापाले गरेका छन् । गीतमा प्रेम सम्बन्ध, त्याग र त्यसमा गर्नुपरेको सङ्घर्षलाई समेट्न खोजिएको छ ।
जया रोकायाको लय रहेको गीतको म्युजिक भिडियोको छायाङ्कन अमृत उपाध्याय र मिक्सिङ गोविन्द ओलीले गरेका हुन् ।
म्युजिक भिडियो सार्वजनिक भए सँगै मोडल अनु खड्काले दर्शकको लामो समयदेखि प्रतीक्षा गरिरहेको म्युजिक भिडियो सार्वजनिक हुँदा खुसी लागेको बताइन् । गीतको भिडियो हेरेर प्रतिक्रिया दिन मोडल खड्काले आग्रह गरेकी छिन् ।
मोडल खड्का स्टाफ नर्स समेत हुन् । उनले अभिनय गरेका तीन दर्जन म्युजिक भिडियो सार्वजनिक भइसकेका छन् ।
