पछिल्लो २४ घण्टामा ७७७ जनामा कोरोना संक्रमण देखिएको छ । ६ हजार १३७ जनाको पीसीआर परीक्षण गर्दा ७७७जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
यस्तै, ३ हजार ७०३ एन्टिजेन परीक्षण गर्दा २१७ जनामा संक्रमण देखिएको मन्त्रालयले जनाएको छ ।२४ घण्टामा १ हजार ३६८ जना संक्रमणमुक्त भएका छन् । १२ जना संक्रमितको मृत्यु भएको मन्त्रालयद्वारा जारी विज्ञप्तिमा उल्लेख छ ।
देशभर सक्रिय संक्रमितको संख्या २७ हजार ३५५ छ ।
हालसम्म नेपालमा कोरोनाबाट ७ लाख ७६ हजार ३२५ जनामा संक्रमण भएको छ भने ७ लाख ३८ हजार ३४ जना निको भएका छन् । यस्तै,कोरोनाबाट मृत्यु हुनेको संख्या १० हजार ९३६ पुगेको छ ।
