बैतडी – बैतडीको मेलौलीमा एक महिलाको शव फेला परेको छ। बैतडीको मेलौली नगरपालिका–७ को ल्वाथलीमा शुक्रबार बिहान अन्दाजी ३५ वर्षीया महिलाको शव फेला परेको जिल्ला प्रहरी कार्यालयले जनाएको छ ।
प्रहरी निरीक्षक बोधराज ओझाका अनुसार ल्वाथलीमा बाटो भन्दा करिब दुई सय मिटर पर महिलाको शव फेला परेको जानकारी दिए । उनको परिचय र ठेगाना खुल्न सकेको छैन । घटनाको अनुसन्धानका लागि बैतडीका प्रमुख प्रहरी नायब उपरीक्षक(डीएसपी) रमेशबहादुर पालको टोली बिहानै घटनास्थलतर्फ हिँडेको छ ।
