स्वास्थ्य मन्त्रालयले दिएको जानकारीअनुसार पछिल्लो २४ घण्टामा थप ६७१४ जनामा कोरोना भाइरसको संक्रमण पुष्टि भएको छ । आज १९ हजार ३० जनाको पीसीआर गर्दा ६६७७ जनामा र ३२२ जनाको एन्टिजेन ३७ जनमा कोरोनाभाइरसको संक्रमण पुष्टि भएको हो ।
त्यस्तै पछिल्लो २४ घण्टामा थप ६७१६ जना कोरोना संक्रमणमुक्त भएका छन् । नेपालमा कोरोनाको दोस्रो लहर सुरु भएपछी संक्रमितभन्दा निको हुनेको संख्या बढी भएको यो पहिलोपटक हो ।
त्यस्तै सोहि अवधिमा थप १४५ जनाको कोरोना संक्रमणबाट ज्यान गएको छ ।
सोहि अवधिमा काठमाडौँ उपत्यकामा १४९३ जनामा संक्रमण पुष्टि भएको छ । स्वास्थ्य मन्त्रालयका अनुसार काठमाडौँमा ११३९, ललितपुर २४१ र भक्तपुरमा ११३ जना संक्रमित थपिएका हुन् ।
