पत्रकार खेम बमको नेतृत्वमा टिकापुरका कोरोना सङ्क्रमित बिरामीहरूलाई दैनिकरुपमा निःशुल्क खाना वितरण भइरहेको छ । पत्रकार बम र र युवा व्यवसायी राजेन्द्र शाहीले टिकापुर अस्पतालमा उपचाररत बिरामीहरूका लागी दैनिक रूपमा ५० खाना वितरण गरिरहेका छन् ।
अभियानको नौ दिन बुधवार पनि ५० खाना वितरण गरीएको पत्रकार बमले बताए । मानवीय धर्मका आधारमा सङ्क्रमित र उनीहरूको उपचारमा खटिएका स्वास्थ्यकर्मीहरूलाई निःशुल्क खाना वितरण गरीएको बमले बताए ।
काठमाडौँमा प्रधान कार्यालय रहेको जनता टेलिभिजनमा कार्यरत बम अहिले आफ्नो घर टिकापुरमा रहेका छन् । टिकापुरमा रहेको बेला सहयोग स्वरूप अभियान सञ्चालन गरेको उनको भनाइ छ ।
